“Liverpul”un baş məşqçisi Yurgen Klopp hücumçu Məhəmməd Salahın Səudiyyə Ərəbistanı çempionatına keçə biləcəyi ilə bağlı yayılan xəbərlərə cavab verib.
Sportinfo.az xəbər verir ki, alman mütəxəssis bu barədə Salahla danışmadığını deyib:
“Salah heç vaxt yanıma gəlib ayrılmaq istədiyini söyləməyib. Təklif haqqında heç nə bilmirəm. Amma fərqi yoxdur, Salah bizimlədir”.
31 yaşlı Salah 2017-ci ilin iyulundan “Liverpul”da çıxış edir. O, İngiltərə klubunda ümumilikdə 319 oyun keçirib, 196 qol vurub və 83 məhsuldar ötürmə edib.
Onun klubla müqaviləsi 2025-ci ilə qədərdir.
.jpg)
