“Mançester Siti”nin baş məşqçisi Pep Qvardiola Mateus Nunesi dünyanın ən yaxşı futbolçularından biri adlandırarkən şişirtdiyini etiraf edib.
Sportinfo.az xəbər verir ki, ispaniyalı mütəxəssis Nunesi həddən artıq tərifləməyin səhv olduğunu bildirib:
“Bəlkə də bir az şişirtmişəm. Bu, səhvdir. O, həqiqətən də yaxşı oyunçudur,
lakin mən bunu 5:0 hesablı qələbədən sonra (Çempionlar Liqasının 2021/22 mövsümünün 1/8 final mərhələsinin “Sportinq”ə qarşı ilk oyunu) demişdim. Bununla belə, o, müstəsna oyunçudur”.
Nunes 2019-2022-ci illərdə “Sportinq”də çıxış edib. O, 2023-cü ildə “Mançester Siti”yə keçib. 25 yaşlı futbolçu bu mövsüm Premyer Liqada 4 oyun keçirib və 1 məhsuldar ötürmə edib.
