Kolumbiyalı voleybolçu Melissa Rangel karyerasını Azərbaycanda davam etdirəcək.
Sportinfo.az xəbər verir ki, "Gəncə" oyunçu ilə müqavilə imzalayıb.
O, son mövsümü ölkəsində "Beyond" klubunda keçirib. Melissa Rangel karyerası ərzində Peru, Portuqaliya, Braziliya və İspaniyada legioner həyatı yaşayıb.
Voleybolçu Peru çempionatının və Portuqaliya Superkubokunun qalibi olub. Həmçinin Kolumbiya millisinin heyətində Pan-Amerika Oyunlarının qızıl və Pan-Amerika Kubokunun gümüş medalını qazanıb.
