Ümummilli Lider Heydər Əliyevin 100 illik yubileyinə həsr olunmuş Beynəlxalq Minifutbol Turnirində bu gün növbəti oyunlar keçiriləcək.
Sportinfo.az xəbər verir ki, Bakı Tennis Akademiyasında 6 qarşılaşma baş tutacaq.
A və B qruplarında əvvəlcə II turun matçları oynanılacaq. Eyni zamanda, hər qrupda III turun da bir görüşü təşkil ediləcək. A qrupunda İtaliya, B qrupunda isə Türkiyə yığması iki oyun keçirəcək.
A qrupunda yer alan Azərbaycan millisi günün son qarşılaşmasında meydana çıxacaq. İlk turda Çexiya ilə qolsuz bərabərə qalan yığma bu dəfə İtaliya seçməsi ilə münasibətlərinə aydınlıq gətirəcək.
2 may
A qrupu
12:30. İtaliya – Gürcüstan
15:30. Serbiya – Çexiya
20:30. Azərbaycan – İtaliya
B qrupu
11:00. Türkiyə - Ukrayna
14:00. Qazaxıstan – CAR
19:00. Türkiyə - Fransa
