Gələn həftə AFFA İcraiyyə Komitəsinin (İK) iclası keçiriləcək.
Bu barədə Sportinfo.az-a qurumun Mətbuat və İctimaiyyətlə Əlaqələr Departamentinin rəhbəri Firuz Abdulla məlumat verib.
Onun sözlərinə görə, gündəliyə millilərin baş məşqçiləri ilə bağlı bir sıra məsələlər daxildir.
Federasiyanın press-ateşesi bildirib ki, əsas yığmanın çalışdırıcısı Canni De Byazi ilə dünən bitən müqavilənin yenilənib-yenilənməyəcəyi də qarşıdakı toplantıda bəlli olacaq:
«Komitənin konkret hansı gün bir araya gələcəyi hələ dəqiqləşməyib. Bu, bilinən kimi AFFA-nın rəsmi saytı vasitəsilə ictimaiyyətə məlumat veriləcək».