"Hazırkı anda məlum olan tək məsələ..."

28 Yanvar 17:10 Gündəm 697
"Hazırkı anda məlum olan tək məsələ..."

Ermənistan, Rusiya və Azərbaycan hökumət başçılarının müavinlərinin Moskvadakı görüşündə nəqliyyat kommunikasiyalarının açılması məsələsi müzakirə ediləcək.

Sportinfo.az xəbər verir ki, bu barədə Ermənistan Baş nazirinin müavini Mher Qriqoryan Yerablur panteonunda jurnalistlərə açıqlamasında bildirib.

Onun sözlərinə görə, görüşdə Azərbaycan, Rusiya və Ermənistan tərəfindən 11 yanvarda qəbul edilmiş birgə bəyanatın müzakirəsi planlaşdırılır.

“Detallı gündəliyi formalaşdırmaq üçün iclas keçirilməsinə ehtiyac var. Hazırkı anda məlum olan tək məsələ bəyanatın 4-cü maddəsinin müzakirə olunacağıdır”,- deyə Qriqoryan qeyd edib.

Sözügedən maddə Azərbaycanla Ermənistan arasında rabitə və nəqliyyat infrastrukturlarının bərpasına aiddir.

Qrigoryan nəqliyyat və rabitə infrastrukturlarının açılmasını olduqca çətin bir iş hesab edir. Onun sözlərinə görə, bu prosesdə əlavə müzakirə, təhlil və dəqiqləşdirmə tələb edən bir çox məsələ var. Bununla belə, Ermənistan Baş nazirinin müavini bu problemin həllini mümkün sayır.

Digər Xəbərlər
Xəbər Lenti