Dünya Güləş Birliyi (UWW) Azərbaycanın olimpiya kateqoriyalı güləş hakimi Asif Şirəliyevə təşəkkür edib.
Sportinfo.az xəbər verir ki, bu barədə UWW-nin rəsmi səhifəsində məlumat yayılıb.
Beynəlxalq federasiya Tokioda keçirilən Yay Olimpiya Oyunlarında və Norveçin paytaxtı Oslodakı dünya çempionatında uğurlu hakimliyi ilə yadda qalan referiyə minnətdarlıq edib.
Asif Şirəliyev Tokio-2020 Yay Olimpiya Oyunlarında idarəçilik edib. O, Osloda keçirilən dünya çempionatında iki final görüşündə hakimlik etməklə də yadda qalıb.
Şirəliyev I-S kateqoriyasına sahibdir.