«Bir komandanı yaxşı səviyyədə saxlamaq üçün futzalçıya ayda heç olmasa, 1500-2000 manat vermək lazımdır».
Bu fikirləri Sportinfo.az-a açıqlamasında futzal üzrə Azərbaycan yığmasının veteranı Ağatahir Əzimov deyib.
O, sözügedən idman növünün son illər inkişafdan geri qalmasının səbəbini bu cür izah edib:
«Bu gün minifutbol millimizin yarısını futzalçılar təşkil edir. Əksəriyyətinin ürəyi futzaldadır, məcburiyyətdən minifutbol oynayır.
Ailəsini dolandırmaq üçün pulun dalınca qaçmağa məcburdur.
İsa Atayev, Xətai Bağırov, Ramiz Çovdarov, Xəzər Ağalızadə, Vüsal İsayev - hamısı minifutboldadır. Habuki bu gün futzal millisinə kömək edə bilərlər».
