Minifutbol üzrə Azərbaycan millisi Slovakiyada keçirilən Avropa çempionatının finalına vəsiqə qazanıb.
Elşad Quliyevin baş məşqçisi olduğu kollektiv yarımfinalda Serbiyanı məğlub edib.
"Tipos Arena"da keçirilən qarşılaşmanın əsas vaxtı 1:1 hesabı ilə bitib. Komandamızın heyətində Xətai Bağırov fərqlənib.
Daha sonra penaltilər seriyasına ehtiyac duyulub. Burada daha dəqiq oynayan (3:1) komandamız adını finala yazdırıb.
Millimiz finalda Ukrayna ilə qarşılaşacaq. Matç iyunun 4-də keçiriləcək.
Azərbaycan Minifutbol Federasiyasının prezidenti Orxan Məmmədov bu hadisəyə isti münasibət göstərib.
Uğurlu funksioner «X» sosial şəbəkə hesabında bu qeydləri edib:
«Bu komandanın ürəyi var! Gərgin və əsl döyüş olan oyunda millimiz soyuqqanlıqla penaltilərdə qalib oldu və finala yüksəldi.
Futbolçularımız təkcə ustalıqlarını deyil, xarakterlərini, iradələrini və ruhumuzu göstərdilər. Çempionluğa bir addım qalıb. F
inalda rəqib Ukraynadır. Son addım.
İnanırıq ki öz uşaqlarımız kuboku yenidən Azərbaycana gətirəcək».
SPORTİNFO.AZ
