Azərbaycan Minifutbol Federasiyası I Liqanın yaradılmasını nəzərdən keçirir.
Sportinfo.az xəbər verir ki, bu barədə AZƏRTAC-a qurumun baş katibi Orxan Hüseynov məlumat verib.
O, çempionatda çıxış etmək istəyən komandaların sayının çox olduğunu bildirib:
“Bunu nəzərə alaraq I Liqanı təşkil etmək istəyirik. Çünki yeni komandaları əsas liqaya buraxsaq, onlar rəqabətədavamlı mübarizə apara bilməyəcəklər”.
Azərbaycanda minifutbol üzrə milli çempionat 2018-ci ildən keçirilir. Həmin yarışda 32 komanda mübarizə aparıb. Hazırda minifutbol üzrə Azərbaycan çempionatında 16 komanda çıxış edir.
