.jpg)
Futzal üzrə Azərbaycan Yüksək Liqasında çıxış edən “Baku Fire” klubunun məşqçisi Elvin Quliyev Finlandiyada UEFA tərəfindən təşkil olunan kursu diplomla bitirib.
Sportinfo.az xəbər verir ki, mütəxəssis ötən ilin avqustundan etibarən UEFA-nın futzal məşqçiləri üçün təşkil etdiyi kursa qatılıb.
Kursun modullarını uğurla tamamlayan həmyerlimiz UEFA-nı B lisenziyasına sahib olub. Artıq bununla bağlı rəsmi məktub və diplom Finlandiya Futbol Federasiyasından AFFA-ya göndərilib.
Elvin Quliyevin məşqçisi olduğu “Baku Fire” Yüksək Liqanın 2024/2025 mövsümünü gümüş medalla başa vurub.
.jpg)