.jpg)
Fransa çempionatında daha bir insident yaşanıb.
Sportinfo.az xəbər verir ki, “Lion” – “Marsel” qarşılaşması yarımçıq dayandırılıb.
Bu dəfə də azarkeşlərin ucbatından. “Lion” fanatları “Marsel”in futbolçusu Dimitri Payetin başına butulka atıblar futbolçu xəsarət alıb, hakim isə təhlükəsizlik tədbirlərini əsas gətirərək oyunu dayandırıb.
“Marsel” rəsmisi Jak Kardoz Payetin durumu haqda məlumat verib:
“O, bizimlə birgə Marselə qayıtdı. İnanmazsız, futbolçumuz bütün gecəni şokda olub. Həkimlər onu iki dəfə yoxlayıblar. Böyük ehtimalla, onun kəllə sümüyü zədələnib.
Məncə, hakimin qərarı da ədalətli idi. Onun mövqeyi aydın idi, ədalətli oyun qaydalarına riayət etmək mümkün olmayacaqdı.
Oyunu necə davam etdirmək olar ki, əgər sizin ən yaxşı futbolçularınızdan biri xəsarət alıb?”
“Lion” – “Marsel” oyunu başlayandan 2 dəqiqə sonra dayandırılıb.
