“Qarabağ”dan ayrılan Leandro Andrade karyerasını Ukraynada davam etdirəcək.
Cinah yarımmüdafiəçisi “Polessye” ilə razılığa gəlib.
Leandronun “Qarabağ”la 2027-ci ilin yayına qədər müqaviləsinin olması təmsilçimizin məlum transferdən gəlir əldə edəcəyinə şübhə yeri qoymur.
İki klub arasında davam edən danışıqların sonunda Jitomir klubu “köhlən atlar”ın 3 milyin avroluq tələbinə “hə” deyib.
“Qarabağ” bu keçiddən 3 milyon avro əldə edəcək.
2022-ci ilin yanvar ayından “köhlən atlar”ın şərəfini qoruyan 26 yaşlı futbolçu bütün turnirlərdə 213 oyunda meydana çıxmaqla 60 qol vurub, 61 qolun ötürməsini verib.
“Qarabağ” mövsüm başa çatandan sonra Emmanuel Addai, Ramil Şeydayev, Sami Mmaee, Toral Bayramov və Kevin Medina ilə rəsmən yollarını ayırıb.
Elvin Cəfərquliyevlə Abbas Hüseynov isə əsas komandadan uzaqlaşdırılıb.
HƏBİB / SPORTİNFO.AZ
