«Marafon»a yeni baş məşqçi təyin olunub.
Növbəti mövsümdə II Liqada çıxış edəcək komanda Ceyhun Cavadova tapşırılıb.
Sabirabad təmsilçisi onunla 1 illik müqavilə imzalayıb.
«Marafon» başa çatan mövsümü Region Liqasında keçirib. Aranlılar yarışın finalında «Zəngəzur»la qarşılaşıb və 1:2 hesabıyla uduzub.
Bununla belə, sabirabadlılar II Liqaya vəsiqə qazanıb. Və bu da rayonun futbol tarixində bir ilkdir.
«Marafon» baş məşqçi kimi Ceyhun Cavadovun ilk iş yeridir. Əslən Xızı rayonundan olan gənc mütəxəssis son olaraq «Xankəndi»də Zaur Hacıyevin köməkçisi işləyib.
SPORTİNFO.AZ
