“Spartak”ın və Rusiya yığmasının azırbaycanlı sabiq yarımmüdafiəçisi Aleksandr Səmədov “qızıl top”un argentinalı hücumçu Lionel Messiyə verilməsinə münasibət bildirib.
Sportinfo.az Səmədovun bu barədə fikirlərini təqdim edir:
“Dünya çempionatı – Messinin “qızıl top”u almasında əsas meyardır. Bu, onun karyerasının ən böyük nailiyyətidir.
Hər şey obyektivdir: Messi görkəmli usta və böyük futbolçudur. Amma şəxsən mən heç kimə köklənməmişəm.
Mbappe və Haland? Düşünürəm ki, onların hər ikisi də karyeralarında “qızıl top”un qalibi olacaqlar”.
