Almaniyanda "Şalke"nin ikinci komandasında çıxış edən azərbaycanlı futbolçusu Rüfət Dadaşov zədələnib.
Sportinfo.az xəbər verir ki, 32 yaşlı hücumçu "Düsseldorf"a 0:2 hesabı ilə uduzduqları Qərb Regional Liqasının XXVI tur oyununda sıradan çıxıb.
Topuğundan xəsarət alan forvard 10-cu dəqiqədə əvəzlənib.
2013-cü ildən Azərbaycan millisinə dəvət alan Rüfət Dadaşov son olaraq 2020-ci ildə yığmaya çağırılıb.
