"Əlbəttə, qollar oyunun ən gözəl məqamıdır".
Sportinfo.az xəbər verir ki, bu sözlər "Dinamo"nun hücumçusu Mahir Emreliyə məxsusdur.
Bu ilin fevralında "Legiya"nı Zaqreb klubuna dəyişən yığmamızın forvardının fikrincə, ən önəmlisi hər matçda var gücünü ortaya qoymaqdır:
"Çünki bu, oyun vaxtı komandama kömək edir. Fərqlənmək əladır. Amma nəticə sonda bilinir. Ən vacibi 3 xaldır.
Məsələn, "Riyeka" ilə görüşdə vurduğum qol önəmli idi. Bundan sonra kapitan Ariyan Ademi qələbə topunu vurdu və biz oyunu kökündən dəyişdik.
Ən gözəli odur ki, sonda qalib gəldik, təslim olmadıq və sonadək mübarizə apardıq. Bu, böyük geri dönüş idi".
