Rusiya Milli Futbol Liqasında (Premyer Liqadan sonra ikinci ən güclü liqa) 35-ci turun oyunları keçirilib.
Sportinfo.az xəbər verir ki, azərbaycanlı futbolçular Kamran Əliyev və David Qarayevin çıxış etdiyi “SKA-Xabarovsk” doğma meydanda “Fakel”lə qarşılaşıb və 2:1 hesabı ilə qalib gəlib.
Kamran sözügedən 46-cı dəqiqədə meydana daxil olub və 71-ci dəqiqədə komandasınıın bərabərlik qolunu vurub.
Vaxtilə Azərbaycanın aşağı yaş qrupları üzrə yığmalarında oynamış David Qarayev isə start heyətdə meydana çıxıb və sonadək oynayıb. O, 90+2-ci dəqiqədə komandasının qələbə qolunun müəllifi olub.
“SKA-Xabarovsk” 35 turdan sonra 59 xalla 20 komanda arasında 5-ci pillədə qərarlaşıb.
.jpg)
