Polşa çempionatında XXX turun oyunları keçirilib.
Sportinfo.az xəbər verir ki, Azərbaycan millisinin müdafiəçisi Anton Krivotsyukun formasını geyindiyi “Visla” (Plotsk) səfərdə Krakov “Visla”sı ilə qarşılaşıb.
Antonun komandası bu oyundan qələbə ilə ayrılıb – 4:3.
Krivotsyuk bu görüşün iştirakçısı olmayıb. O, sarı vərəqə limitini keçdiyi üçün cəzalı duruma düşüb və matçı buraxıb.
Plotsk “Visla”sı 30 turdan sonra 45 xalla 18 kollektiv arasında 6-cı pillədə qərarlaşıb.
