Son illər uşaq futbolunda öncüllərdən birinə çevrilən «European Football Academy» (EFA) beynəlxalq əlaqələrini genişləndirməkdədir.
Məqsədyönlü fəaliyyət proqramı əsasında çalışan EFA bu dəfə İtaliya klubu ilə əməkdaşlığa qərar verib.
Bakıdan gedən nümayəndə heyəti artıq sözügedən ölkədədir. Onlar burada «Peruca» ilə danışıqlar aparacaq.
Səfərin kökündə iki məqsəd dayanır: iki akademiya arasında əlaqələrin qurulması və EFA-da yetişən istedadlı uşaqların transferi.
Bu, EFA-nın ilk belə çalışması deyil. Bakıda fəaliyyət göstərən akademiya Türkiyədən «Çaykur Rizespor» və «Altınordu» ilə sıx münasibətlər qurub.
EFA-nın azyaşlılardan ibarət komandası bugünlərdə «Antalya Cup»da da qüvvəsini sınayıb.
SPORTİNFO.AZ
.jpg)
