Millimizin hücumçusu Mahir Emrelinin formasını geyindiyi Zaqreb "Dinamo"su Xorvatiya çempionatında 32-ci turun oyununa çıxıb.
Sportinfo.az xəbər verir ki, paytaxt komandası səfərdə "Qoritsa" ilə qarşılaşıb.
Zaqreb təmsilçisi matçda 1:0 hesabı ilə qalib gəlib. Yeganə qolu 85-ci dəqiqədə Ariyan Ademi vurub.
Həmçinin bu, baş məşqçisi Ante Çaçiçin kluba ikinci təyinatından sonra ilk qarşılaşması olub.
Mahir oyuna start heyətdə çıxıb. O, 76-cı dəqiqədə Marko Toliçlə əvəzlənib.
31 turdan 69 xalı olan Zaqreb təmsilçisi turnir cədvəlinin 1-ci pilləsində qərarlaşıb. "Osiyek" 64 xalla 2-ci, "Hayduk" (Split) 63 xalla 3-cüdür. "Qoritsa" isə 40 xalla 6-cı pillədə qərarlaşıb.
“Dinamo” sona 4 tur qalmış liderliyini möhkəmlədib və çempionluğa bir addım da yaxınlaşıb.
Fevral ayından bu komandada oynayan Mahir Xorvatiya çempionatında 8 matçda 2 qol vurub.
.jpg)
