“Müştərilərimin arasında yerli futbolçular da var”.
Bu sözləri Sportinfo.az-a açıqlamasında gənclər yığmamızın sabiq yarımmüdafiəçisi Pərvin Paşayev deyib.
Karyerasını başa vurandan sonra Polşaya köçən sabiq futbolçu hazırda paytaxt Varşavada bərbər işləyir.
Onun sözlərinə görə, müştəriləri onun keçmiş oyunçu olduğunu bilir:
“Onlarla danışanda, keçmişlə bağlı faktları göstərəndə şoka düşürlər. İnana bilmirlər ki, vaxtilə yığmalarda oynamış biri indi Polşada bərbərlik edir.
Təəccüblənirlər, səbəbini soruşurlar. Başa salıram, anlayırlar”.

