Azərbaycan millisinin futbolçusu Mahir Emreli "Dinamo"da (Zaqreb) növbəti oyununu keçirib.
Sportinfo.az xəbər verir ki, 25 yaşlı hücumçu Xorvatiya 1-ci Liqanın XXXI turunda "İstra" ilə ev matçının iştirakçısı olub.
Meydana start heyətində çıxan forvard 50-ci dəqiqədə komandasının sonuncu qoluna imza atıb. O, 72-ci dəqiqədə Bruno Petkoviçlə əvəzlənib.
Görüş meydan sahiblərinin 3:0 hesablı qələbəsi ilə başa çatıb. Digər iki qolu 8-ci və 45+1-ci dəqiqələrdə Mislav Orşiç vurub.
Beləliklə, "Dinamo" bu qələbədən sonra xallarını 66-ya çatdıraraq zirvədəki yerini möhkəmləndirib. 26 xalı olan "İstra" isə 9-cu sırada qərarlaşıb.
Mahir Emreli XXX turda "Riyeka"ya qarşı çempionat matçında da fərqlənib.
.jpg)
