Türkiyənin birinci liqa təmsilçisi "Keçiörengücü" komandasından ayrılan Vüsal İsgəndərli vətənə qayıdıb.
Həmyerlimiz hazırda "Sumqayıt"ın düşərgəsində məşqlərə çıxır.
Legioner futbolçumuz heç də "kimyaçılar"la anlaşmayıb. Sadəcə bir müddət məşqsiz qalmamaq üçün bu qərara gəlib.
26 yaşlı yarımmüdafiəçiyə Türkiyə, Polşa və Çexiyadan yeni təkliflər var. Məhz seçimini edənə kimi İsgəndərli Sumqayıt təmsilçisində məşqlərinə davam edəcək.
Vüsal ötən ilin yayından Türkiyə təmsilçisinin formasını geyinirdi. O, birinci liqa klubunda 23 matçda meydana çıxıb və 4 qol vurmağı bacarıb.
XANOĞLAN / SPORTİNFO.AZ
.jpg)
