FIFA 2022-ci il dünya çempionatının püşkatma mərasimində püşkü çəkəcək veteran futbolçuların adlarını açıqlayıb.
Sportinfo.az xəbər verir ki, onların arasında İran millisinin Azərbaycan əsilli sabiq hücumçusu Əli Daei də var.
Tədbirdə 53 yaşlı keçmiş forvarddan başqa, Adel Ahmed Malallah (Qətər), Bora Milutinoviç (Serbiya), Kafu (Braziliya), Cey-Cey Okoça (Nigeriya), Lotar Matteus (Almaniya), Rabah Macer (Əlcəzair) və Tim Keyhil (Avstraliya) də yer alıb.
8 veteran futbolçunun hərəsi bir səbətin püşklərini çəkəcək. Aprelin 1-də keçiriləcək DÇ-2022-nin püşkatma mərasimi Bakı vaxtı ilə saat 20:00-da başlayacaq.
Əli Daei milli komandalarda ən çox qol vurmuş ikinci futbolçudur. Aktivində 109 qol olan Daei yalnız Portuqaliya yığmasının və "Mançester Yunayted"in hücumçusu Kriştianu Ronaldudan (115 qol) geri qalır.
.jpg)
