Xəbər verdiyimiz kimi, Azərbaycan millisinin və "Qarabağ"ın qapıçısı Emil Balayev "Turan"la müqavilə bağlayacaq.
O, ya sabah, ya da birisigün Şımkentdə yeni komandasına qoşulacaq.
O, "Turan"ın hazırkı baş məşqçisi Vladimir Qazzayevlə birgə 2019-cu ildə "Tobol"da çalışıb. Komandanın köməkçi-məşqçisi isə Azərbaycan millisinin sabiq hücumçusu Vaqif Cavadovdur.
"Neftçi", "Səbail", "Zirə" və Almaniya "Ayntraxt"ında da forma geyinmiş kiperin Qazaxıstana budəfəki qayıdışı bir qədər fərqli olacaq.
Belə ki, Qazzayev onu əsas heyətdə oynadacağına söz verməyib. Balayev "1 nömrə" olmaq üçün yerli və gürcü həmkarlarla rəqabət aparmalıdır.
Rusiyalı çalışdırıcı narahat edən onun "Qarabağ"da şans qazanmaması, oyun praktikasını itirməsidir.
SPORTİNFO.AZ
