Ukrayna Premyer Liqasında geridə qalan mövsümün kəşfləri açıqlanıb.
Sportinfo.az xəbər verir ki, yerli KİV-in müəyyənləşdirdiyi 10 futbolçu arasında Azərbaycan millisinin üzvü Anatoli Nuriyev də var.
Həmkarlarımızın fikrincə, elitanı tərk edən “Minay”ın kapitanı parlaq çıxış sayəsində özünə yeni komanda tapmaqda çətinlik çəkməyəcək.
2020/21 mövsümündə Premyer Liqada 10 qola imza atan hücumçunun Ukraynada qalıb-qalmayacağı özündən asılı olacaq.
Onunla yanaşı, Vladislav Kulaç, Dmitri Riznık (“Vorskla”), İlya Zabarnı (“Dinamo”), Frane Çiryak (“Lvov”), Mario Çuje, Artyom Dovbik (“Dnepr-1”), Andrey Totovitski (“Desna”), Allahyar Sayadmaneş (“Zarya”) və Artyom Bondarenko (“Mariupol”) da mövsümün kəşfləri hesab edilirlər.