Türkiyə Super Liqasında 4-cü turun oyunları keçirilib.
Sportinfo.az xəbər verir ki, Azərbaycan millisinin hücumçusu Nəriman Axundzadənin formasını geyindiyi "Ərzurumspor" doğma meydanda "Konyaspor"u qəbul edib.
Qarşılaşma meydan sahiblərinin 1:0 hesablı qələbəsi ilə başa çatıb.
Matçda yeganə qol 17-ci dəqiqədə vurulub. Q.Qiorbelidzenin ötürməsini dəqiq tamamlayan E.Tozlu komandasına 3 xal qazandıran topa imza atıb.
Nəriman Axundzadə bu görüşdə meydana çıxmayıb, matçı ehtiyat oyunçular skamyasından izləyib.
"Ərzurumspor" 4 xalla 14-cü pillədə yer alıb.
