Azərbaycan təmsilçisi “Sabah” basketbol klubu Çempionlar Liqasında mübarizəyə başlayıb.
Sportinfo.az xəbər verir ki, litvalı Rimas Kurtinaytisın baş məşqçisi olduğu komanda B qrupunun 1-ci tur oyununa çıxıb.
Azərbaycan çempionu Çexiyada yerli “Nimburk” klubunun qonağı olub. Oyun meydan sahiblərinin qələbəsi ilə başa çatıb - 93:65.
Bu qrupun digər oyunu Almaniyanın “Alba” və Fransanın “Elan Şalon” komandaları arasında sabah keçiriləcək.
“Sabah” ikinci oyunu oktyabrın 15-də Bakıda “Alba”ya qarşı olacaq.
