.jpg)
Azərbaycanın 3x3 basketbol millilərinin Avropa Kubokunun təsnifat mərhələsindəki rəqibləri müəyyənləşib.
Sportinfo.az xəbər verir ki, kişilərdən ibarət millimiz B qrupunda Kosovo, Malta seçmələri ilə mübarizə aparacaqlar. Qadınlardan ibarət yığma isə B qrupunda Kosovo ilə üz-üzə gələcək.
Kişilərdən ibarət komanda iyunun 7-də ilk matçını Bakı vaxtı ilə saat 21:45-də Maltaya, ikinci görüşünü isə 23:35-də Kosovoya qarşı keçirəcək.
Qadın basketbolçulardan ibarət yığmanın Kosovo ilə matçı iyunun 7-də saat 23:10-da start götürəcək.
Kişi və qadın kateqoriyalarında yalnız təsnifat mərhələsinin qalibləri Avropa Kubokunun (2025) əsas mərhələsində iştirak etmək hüququ qazanacaqlar.
Avropa Kubokunda təsnifat mərhələsinin oyunları iyunun 7-də Kosovonun Priştina şəhərində təşkil olunacaq.
.jpg)
