Azərbaycanlı hücumçunun Rusiya klublarındakı qazancı

25 May 14:22 Azərbaycan Futbolu 313
Azərbaycanlı hücumçunun Rusiya klublarındakı qazancı

Azərbaycan millisinin sabiq futbolçusu Vəli Qasımov vaxtilə çıxış etdiyi Rusiyanın "Dinamo" və "Spartak" klublarındakı məvacibinin məbləğini açıqlayıb.

Sportinfo.az xəbər verir ki, "championat"a danışan keçmiş hücumçu Moskva təmsilçilərində az maaşa oynadığını bildirib.

O, sözügedən klublarda yaxşı mükafat verildiyini söyləyib: "Maaşlar az idi, bonusların hesabına yaşayırdıq. "Spartak"ın mükafatları "Dinamo"dan çox idi.

Orada hər qələbəyə görə təqribən 500 ABŞ dolları verirdilər. "Dinamo"da isə bu rəqəm 250 ABŞ dolları idi. Amma klublarda maaşlar eyni idi: 2-3 min rubl. Biz müasir futbolçular kimi böyük pullar qazanmırdıq".

1992-ci ilin ilk yarısını "Spartak"da keçirən Vəli Qasımov 6 oyunda meydana çıxsa da, qol vura bilməyib. Mövsümün ikinci hissəsində isə "Dinamo"da çıxış edən sabiq hücumçu 16 oyunda 17 dəfə fərqlənərək çempionatın bombardiri olub.

Moskva təmsilçisindən sonra İspaniya "Betis"inə keçən veteran futbolçu bu ölkənin "Albasete", "Esixa", "Vitoriya" və "İmortal" klublarının formasının geyinib. Qasımov Azərbaycanda isə "Neftçi"də çıxış edib.

Digər Xəbərlər
Xəbər Lenti
27 Sentyabr 19:20 "Barselona"da qalacaq
27 Sentyabr 12:40 Nazir: "Biz istəyirik ki…"