AFFA-dan AVRO-2020-nin təxirə salınmasıyla bağlı AÇIQLAMA

10 Mart 2020 21:50 AÇ-2020 927
AFFA-dan AVRO-2020-nin təxirə salınmasıyla bağlı AÇIQLAMA

Koronavirusun hər keçən günü daha sürətlə avropa ölkələrinə yayılması AVRO-2020-nin təxirə salınma ehtimallarını artırır.

AVRO-2020 12 iyun-12 iyulda keçirilməlidir. Püşkatmanın nəticələrinə əsasən, açılış oyunu iyunun 12-də Romadakı "Olimpiko" stadionunda İtaliya və Türkiyə milliləri arasında olacaq.

Bakı Olimpiya Stadionu (BOS) iyunun 13-də Uels-İsveçrə, iyunun 17-də Türkiyə-Uels, iyunun 21-də Türkiyə-İsveçrə matçlarına ev sahibliyi edəcək. İyulun 4-də isə BOS-da 1/4 final oyunlarından biri təşkil olunacaq.

Bu gün UEFA-ya üzv olan milli federasiyalar qitə futbol qurumundan Avropa çempionatının vaztını ertələməsini xahiş edib.

Yerli qurumlar koronavirusa görə müvəqqəti dayandırılan daxili çempionatı başa vurmaq üçün AVRO-2020-nin başqa vaxta keçirilməsini gözləyir. Ancaq UEFA prezidenti Aleksander Çeferinin bu təklifə müsbət yanaşmadığı iddia olunur.

Azərbaycan Avropa futbol qurumuna müraciət edən ölkələr arasında yer almır. AFFA-nın Mətbuat və İctimaiyyətlə əlaqələr Departamentinin rəhbəri Firuz Abdulla Sportinfo.az-a açıqlamasında bunları deyib;

"Bu qərarı UEFA verə bilər. Hələ ki, bununla bağlı UEFA-nın hər hansısa bir açıqlaması yoxdur. Ötən həftə Amsterdamda UEFA-nın konqresi keçirilib və həmin konqresdə bu məsələnin qaldırılması təklif olunub.

UEFA-nın mövqeyi belədir ki, ümumiyyətlə, bu mövzu müzakirə olunmur. Hər hansı bir dəyişiklik olsa, UEFA qərarını açıqlayacaq. İndiki vəziyyətdə proseslər əvvəlki hazırlıq planına uyğun gedir".

Digər Xəbərlər
Xəbər Lenti