UEFA Azərbaycanda monitorinq aparacaq?

21 Oktyabr 18:34 AÇ-2020 208
UEFA Azərbaycanda monitorinq aparacaq?

UEFA-nın gələn il Avropa çempionatı oyunlarının bir neçəsini Azərbaycanda keçirmək planı qüvvədə qalır. Bu həftə qurum belə bir qərar vermişdi ki, Ermənistanla münaqişə səbəbindən əlavə informasiya verilənədək oyunlar Bakıda keçirilə bilməz.

Sportinfo.az xəbər verir ki, Avro-2020-nin İsveçrə, Türkiyə və Uelsin iştirakıyla üç oyunu iyunda Bakıda keçirilməlidir.

İyulun 3-nə isə 1/4 final mərhələsinin oyununun 68 min yerlik Olimpiya Stadionunda keçirilməsi planlaşdırılır.

Azərbaycan 24 komandanın qatılacağı çempionatın ev sahibi ölkələr sırasındadır. Oyunlar koronavirus pandemiyasına görə bir illiyə təxirə salınıb.

İki həftə öncə UEFA Azərbaycan və Ermənistanda keçirilməsi planlaşdırılan Millətlər Liqası oyunlarını münaqişə səbəbindən neytral ölkələrə keçirib.

“UEFA belə bir fikirdədir ki, hazırda UEFA-nın bu ölkələrdə oyun keçirməsi üçün şərtlər uyğun deyil”, – qurum bəyanatında bildirirdi.

“The Associated Press” yazır ki, qurum regionda vəziyyətin monitorinq ediləcəyini deyir. Eyni zamanda 20 oktyabr qərarının gələn ilin iyununda Bakıda UEFA Avro-2020 oyunlarını keçirmək planlarına təsir göstərmədiyini bildirir.

Oktyabrın 29-da Qarabağ Avropa Liqası çərçivəsində Villarreal ilə Bakıda qarşılaşmalıydı. Ancaq indi bu oyunun neytral məkanda keçirilməsi planlaşdırılır.

Bu ay Azərbaycanın oyunu Albaniyada, Ermənistanınkı isə Polşada keçirilib. 2007-ci ildən təhlükəsizlik səbəblərindən UEFA Ermənistan və Azərbaycanın milli və klub komandalarını fərqli qruplara salıb.

Xəbər Lenti
27 Noyabr 22:20 Niyə AFFA yox, "Qarabağ"?
27 Noyabr 01:10 "Milan"dan 1:1 - VİDEO