"Allaha şükür, bizim üçün əla qələbə oldu". Sportinfo.az xəbər verir ki, bunu APOEL-in yarımmüdafiəçisi Musa əl Tamari deyib.
Avropa Liqasının qrup mərhələsinin IV turunda "Qarabağ"ı qəbul edən Kipr təmsilçisi 2:1 hesablı qələbə qazanaraq, qrup ikinciliyini ələ keçirib. Oyunla bağlı fikirlərini bildirən iordaniyalı futbolçu artıq növbəti mərhələ şanslarının yüksək olduğunu söyləyib:
"Bu nəticədən sonra artıq gələcəyə baxırıq. İndi hər şey bizdən asılıdı. Çox çətin oyun oldu, ancaq biz bacardıq. Bu, kollektivdə hamının bir-birinə köməyi nəticəsində reallaşdı. 1/16 final mərhələsinə yüksəlmək üçün məhsuldarlığımızı daha da artırmalıyıq. Bundan ötrü çox çalışmalıyıq".