Türkiyə futbolunun ünlü siması, IFFHS-in versiyasına görə dünyanın gəlmiş-keçmiş ən yaxşı hakimlərindən biri Ahmet Çakarın Premyer Liqanın 25-ci turundakı "Kəpəz" - "Qarabağ" oyunundakı (1:0) mübahisəli penalti epizodu ilə bağlı fikirlərini bildirib.
Sportinfo.az xəbər verir ki, o, ağdamlıların hücumçusu Kamillo Duranın rəqibin cərimə meydançası daxilində yerə yıxıldığı epizodla bağlı sports.az-a danışıb:
“Epizodu izlədim. Mavi formalı komandanın hərəkəti dəqiq penaltidir. Ağ formalı komandanın futbolçusunun sol ayaq biləyinə zərbə var.
Yerə yıxılır. Yüz faizlik penaltidir. VAR-ın müdaxilə edib-etmədiyini bilmirəm. Qərarım mübahisəsiz penaltidir”.
AFFA Hakimlər Komitəsinin rəhbəri Rəhim Həsənov bu epizoda şərh verərkən hakimlərin qərarının doğru olduğunu açıqlamışdı.
