“Sabah”ın hücumçusu Coy-Lens Mikels cari mövsüm Avropanın milli çempionatlarında ən çox qol vuran almaniyalı futbolçuların sıralamasında liderə yaxınlaşıb.
Sportinfo.az xəbər verir ki, forvard Misli Premyer Liqasının 24-cü turunda “İmişli”ni səfərdə 5:0 hesabı ilə məğlub etdikləri matçda dubl edərək bunu reallaşdırıb.
Qollarının sayını 14-ə çatdıran çempionatımızın bombardiri hazırda yalnız “Ştutqart”lı Deniz Undavdan geri qalır. Bundesliqanın ardıcıl son 5 turunda fərqlənməyi bacaran Undavın aktivində 16 qol var.
O, geridə qalan turda da bir qol vurub. Mikels isə Azərbaycan çempionatının son 3 görüşündə ümumilikdə 5 qola imza atıb.
