“Meymunçiçəyi virusunun yayılması Avropa ölkələri üçün koronavirusda olduğu qədər təhdid doğurmur”.
Bunu Ümumdünya Səhiyyə Təşkilatının (ÜST) Avropa Regional Bürosunun rəhbəri Hans Klyuqe deyib.
O hesab edir ki, meymunçiçəyi virusu yeni COVID deyil.
“Biz Avropa regionunda meymunçiçəyini necə nəzarətdə saxlamağı, eləcə də xəstəliyin yayılmasına yol verməmək üçün atılmalı olan addımları bilirik”, - deyə Klyuqe əlavə edib.
Avqustun 14-də ÜST meymunçiçəyi virusunun yayılmasını səhiyyədə fövqəladə vəziyyət elan edib.
Hazırda Afrika ölkələrində virusun yayılması müşahidə edilir. Ötən həftə İsveçdə də bu virusa yoluxma halı qeydə alınıb.
.png)
