.jpg)
“Qarabağ”ın və Azərbaycan millisinin yarımmüdafiəçisi Filip Ozobiçin karyerası indikindən də parlaq ola bilərmiş.
Futbolun sirlərinə “Mladost”da yiyələnib, “Dinamo”da (Zaqreb) davam edən xorvatiyalı 2010-cu ildə Moskva “Spartak”ına yollanıb.
Gənc Filip paytaxt təmsilçisinin sıralarına qatılanda, bir çox tanınmışlarla – Velliton, Ari, İbson, Aleks, Andrey Tixonov, Diniyar Bilyaletdinov, Nikolas Parexa, Artyom Dzyuba, Kirill Kombarov, Emanuel Emenike - komanda yoldaşı olub.
O cümlədən Emin Mahmudovla.
Bəli, hazırda “Neftçi”nin şərəfini qoruyan, Azərbaycan millisində çiyin-çiyinə oynadığı həmin Mahmudovla.
O dönəmdə hər ikisi gənc idi. Emin 18, Filipsə 19 yaşında.
Elə buna görə də komandanın o vaxtkı baş məşqçisi Valeri Karpin sonradan Azərbaycan futbolunda ulduza çevriləcək gənclərə az şans verib.
Mahmudov həmin mövsümdə çempionatda 12 oyunun iştirakçısı olubsa, Ozobiç cəmi 1 rəsmi matçda meydanda görünüb.
Hətta “Sibir”lə Rusiya kuboku matçında eyni anda meydanda olmaq imkanı qazanıblar. Bu, 2011-ci ilin martın 3-nə təsadüf edib.
Növbəti mövümdə Emin “Tom”a icarəyə verilib, Filipsə eyni şərtlə “Hayduk”a göndərilib.
HƏBİB / SPORTİNFO.AZ
