Şuşaya çəkilən “Zəfər yolu” nə vaxt istifadəyə veriləcək? - VİDEO

21 Aprel 2021 13:50 Araşdırma 789
Şuşaya çəkilən “Zəfər yolu” nə vaxt istifadəyə veriləcək? - VİDEO

Şuşaya yolun çəkilişi davam etdirilir.

Sportinfo.az xəbər verir ki, ''Zəfər yolu'' Füzuli və Şuşa şəhərləri də daxil olmaqla sözügedən rayonların 20-dən artıq yaşayış məntəqəsini əhatə edəcək.

Bu yol başlanğıcını Hacıqabul-Mincivan-Zəngəzur dəhlizi magistral avtomobil yolundan götürməklə Şuşa şəhərinə qədər uzanır.

Uzunluğu 101 kilometr olan "Zəfər yolu" 2 hərəkət zolaqlı olmaqla, ikinci texniki dərəcəyə uyğun inşa edilir. Yolda 3 körpünün inşası nəzərdə tutulub. Yolun cari ilin sentyabr ayında istismara verilməsi gözlənilir.

Bundan başqa, ''Zəfər Yolu''na paralel olaraq, Füzulidən Şuşaya çəkilən digər yolun da inşası davam etdirilir. Paralel yolun uzunluğu 84 kilometrdir.

Əhmədbəyli-Füzulı-Şuşa yolu Füzuli Hava Limanının yaxınlığından keçir. Magistral yolu hava limanı ilə əlaqələndirmək məqsədilə yol qovşağı inşa ediləcək.

Layihəyə Şuşanın məşhur İsa Bulağınadək əlavə 2 kilometrlik yolun inşa edilməsi də daxil edilib.Əhmədbəyli-Füzuli-Şuşa yolundakı işlərin gələn il tamamlanması gözlənilir.

Digər Xəbərlər
Xəbər Lenti