![AFFA-dan qərar - Braziliyalı legioner bağışlandı](https://www.sportinfo.az/media/2024/04/18/399040250_325823580207157_3122242443943324651_n.jpg)
AFFA-nın Apelyasiya Arbitraj Tribunalının iclası keçirilib.
Sportinfo.az xəbər verir ki, qurum I Liqada çıxış edən "İmişli"nin şikayətinə baxıb.
Aşağı liqanın 20-ci turu çərçivəsində “Mingəçevir”lə səfər görüşünün (0:1) 80-ci dəqiqəsində ciddi qayda pozuntusuna görə birbaşa qırmızı vərəqə alan Gilyerme Silvanın 2 oyunluq cəzası və klubun 150 manat cərimə edilməsi müzakirə olunub.
Futbolçu barəsində tətbiq olunan 2 oyunluq cəzanın çəkilməmiş hissəsi, yəni, 1 matçlıq diskvalifikasiya şərti tətbiq ediləcək.
Ona 3 ay sınaq müddəti verilib. Bölgə klubuna verilən cərimə isə qüvvədə qalıb.