Azərbaycan I Liqasında V tura yekun vurulub.

Turun son oyununda "Şamaxı" doğma meydanda "Turan Tovuz"u qəbul edib.

Qarşılaşma qonaqların 3:2 hesablı qələbəsi ilə başa çatıb.

Ev sahibləri hər üç qolu müdafiəçilərinin səhvi ucbatından öz qapısında görüb. Aqil Nəsibov öncə rəqibin ayağından çıxan topu yaxın məsafədən «çərçivə»yə göndərib.

O, 43-cü dəqiqədə dublunu rəsmiləşdirib. Mingəçevirli hücumçu bu dəfə arxa xətt oyunçusunun qapıçıya ünvanladığı «yuvarlaq meşin»i ələ keçirərək, hesabı 2:0-a çatdırıb.

Bu dəqiqəyə kimi ftl qulağında yatan, stadiona toplşan 1000-dən artıq azarkeşin səs-küyünə oyanmayan «Şamaxı»lılar yalnız fasiləyə az qalmış özünə gəlib.

Elşad Tağıyev, 45+1-ci dəqiqədə başla qapını dəqiq nişan alıb. Cəlal Cəbrayılov isə 70-ci dəqiqədə status-kvonu bərpa eləyib.

Bu epizodda top qapı xəttini iki dəfə keçib, axırda baş hakim Vüqar Həsənov qolu qeydə alıb.

Gedişatın ruhdan salmadığı «işıqçılar» 81-ci dəqiqədə Əsədulla Heydərovla yenidən önə keçib və sevincini salto vurmaqla nümayiş etdirib.

Şamaxılılar matçın yerdə qalan bölümünü hücumda keçirib, 3 təhlükəli epizod yaradıb, fəqət, istəklərinə çatmayıblar.

«Mingəçevir» bundan ötrü kimə minnətdar olmalıdır? Əlbəttə ki, Elnar Kərimova!

Tanıdızmı onu? Yəqin ki.

Bir neçə il öncə karyerasını başa vurduğunu açıqlayan, ondan belə özünü məşqçi kimi sınayan Kərimov təkrar yaşıl sahələrə dönüb.

Samir Məmmədovun qapıçılar üzrə köməkçisi olaraq burada çalışan Kərimov məcburiyyət üzündən əlcəkləri geyinməli olub.

Qapıçılardan birinin cəzalı, digərinin zədəli olması onu «çərçivə» önünə keçmək tələbi ilə üz-üzə qoyub və o, bu imtahandan yaxşqı çıxıb.

90-cı dəqiqədə oyunun bərpasını ləngitməyə görə sarı vərəqə alan Elnar bir çox epizodda gənclik illərini yada salıb.

Xallarını 7-yə yüksəldən "Mingəçevir" turnir cədvəlinin 6-cı pilləsində qərarlaşıb. 8 xalı olan "Şamaxı" isə 4-cü yerdədir.

SPORTİNFO.AZ

Şamaxı şəhər stadionu. 1100 tamaşaçı
Baş hakim: Vüqar Həsənli
Baş hakimin köməkçiləri: Elman Kərimov, Anar Bədəlov
Dördüncü hakim: Murad Səlimov
Hakim-inspektor: Ramil Diniyev
AFFA nümayəndəsi: Mübariz Hüseynov
Sarı vərəqələr: İbrahim Aslanlı, 9 (qeyri-idman hərəkəti) // Elmin Bayramov, 37 (qeyri-idman hərəkəti); Elnar Kərimov, 90 (oyunun bərpasının ləngidilməsi); Hüseyn Əliyev, 90+1 (qeyri-idman hərəkəti)
Qollar: Elşad Tağıyev,45+1; Cəlal Cəbrayılov, 70 // Aqil Nəsibov, 17; 43; Əsədulla Heydərov, 81
Artırılan vaxt: I hissədə - 2 dəq.; II hissədə - 6 dəq..