Azərbaycanda yeni futbol klubu Ədliyyə Nazirliyində qeydiyyatdan keçib. Sportinfo.az-ın məlumatına görə, "Xəzər" Bakını təmsil edir.
Paytaxtda məskunlaşan komanda növbəti mövsümdən I Divizionda mübarizə aparacaq. Artıq Peşəkar Futbol Liqası ilə danışıqlar aparılıb və razılıq əldə olunub.
"Xəzər" yaxın günlərdə seleksiyaya başlayacaq. İlk mərhələdə çalışmalar "Sərhədçi" İdman-Sağlamlıq Mərkəzində təşkil olunacaq.
Divizionda yeni sezonun startı sentyabrın ortalarına təsadüf edəcəyindən, hazırlıq üçün vaxt heç də az deyil.
