.jpg)
"Neftçi-2" rəsmiləri klubun Müşahidə Şurasının üzvü Zaur Qəhrəmanovun tapşırığını yerinə yetirməyib.
O, I Divizionda çempion titulu qazanan əvəzedici komandanın mükafatlandırılmasına dair göstəriş versə də, idarəçilər buna məhəl qoymayıb.
Aradan 1 ay keçsə də, “Neftçi-2”nin futbolçuları hələ onlara vəd olunan pulu ala bilməyiblər. Məbləğ yenə böyük olsaydı, gənc oyunçuları yandırıb-yaxmazdı.
İş ondadır ki, 64 xalla qızıl medallara sahib çıxan kollektivə vur-tut 10 min manat mükafat ödənilməlidir.
Hansı ki, əsas komandanın hər birinin alacağı “ənam” bundan 3 dəfə çoxdur: yəni, adambaşına düşən mükafat 30 min manatdır.
O da maraqlıdır ki, “Neftçi” rəhbərliyi “A” komandanın pulunu verməyə başlasa da, başıbəlalı 10 min manatdan xəbər-ətər yoxdur.
SPORTİNFO.AZ
.jpg)
