"Zirə"nin əvəzedici komandası 2021/2022 mövsümündə I Divizionda çıxış edəcək.
Qəsəbə təmsilçisinin rəsmi saytı Sportinfo.az-ın bir müddət əvvəl yaydığı xəbəri təsdiqləyib.
1 illik fasilədən sonra fəaliyyəti bərpa olunan “dubl”a Azər Məmmədov baş məşqçi təyin olunub.
Köməkçi funksiyasını isə Hacı Əhmədov yerinə yetirəcək. Sonuncu buna kimi 6 ay əsas komandada Rəşad Sadıqovun yardımçısı olub.
Onların yerinə yetirməli olduğu vəzifə ciddidir: “A” komandanın oyun sisteminə uyğun iş görmək və 3 gənc futbolçu hazırlamaq. Azər Məmmədovun bura gətirməsi də təsadüfi deyil.
O, xeyli müddətdir “Zirə”də çalışır və son olaraq U-19-un sükanı arxasında dayanıb. Əvəzedici heyətin özəyini də elə onun yaxından tanıdığı bu futbolçular təşkil edəcək.
SPORTİNFO.AZ