Azərbaycan kubokunun yarımfinalında “Qəbələ” ilə oyundan əvvəl "Zirə"nin futbolçuları Hacıağa Hacılı və İsmayıl İbrahimliyə simvolik olaraq “100” yazılmış forma təqdim edilib.
Sportinfo.az klubun mətbuat xidmətinə istinadən xəbər verir ki, formaları Zirə” PFK-nın vitse-prezidenti Seyidağa Babayev və icraçı direktor Cahangir Məmmədov təqdim ediblər.
H.Hacılı və İ.İbrahimli Azərbaycan Premyer Liqasıda 100-cü oyununu keçiriblər. Hər iki futbolçunun yubileyi Misli Premyer Liqasının 28-ci turunda “Sabah”la (1:0) matça təsadüf edib.