“Zirə”nin yarımmüdafiəçisi Eldar Quliyev Ukraynanın U-21 yığmasına dəvət edilib.
Sportinfo.az xəbər verir ki, bu barədə Ukrayna Futbol Federasiyası məlumat yayıb.
21 yaşlı yarımmüdafiəçi Macarıstanda (17-25 mart) təlim-məşq toplanışında iştirak edəcək, daha sonra Fukuokada Yaponiyaya qarşı oynamaq imkanı əldə edə bilər.
Ukrayna U-21 yığması tarixdə ilk dəfə 2024-cü ildə Parisdə keçiriləcək Olimpiya Oyunlarında iştirak hüququ əldə edib.
