"Fənərbaxça" müdafiə xəttini yeni futbolçu ilə gücləndirib.
Sportinfo.az xəbər verir ki, İstanbul təmsilçisi "Atletiko"dan Çağlar Söyüncünü icarəyə götürüb.
27 yaşlı mərkəz müdafiəçisi mövsümün ikinci yarısını "Fənərbaxça"da keçirəcək. Türkiyə milli komandasının üzvü yeni komandasında 2 nömrəli formanı geyinəcək.
Çağlar Söyüncü "Atletiko"ya mövsümün əvvəlində keçib. O, Madrid təmsilçisinin heyətində 9 rəsmi matçda meydana çıxıb.
