Türkiyə Super Liqasında 22-ci tura start verilib.
Sportinfo.az xəbər verir ki, “Fənərbaxça” səfərdə “Başakşehir”in qonağı olub.
Qarşılaşma İsmail Kartalın komandasının 1:0 hesablı qələbəsi ilə başa çatıb.
Matç kifayət qədər qalmaqallı keçib. Meydan sahibləri 2 qırmızı vərəqə alıb. Son dəqiqələrdə verilən penalti isə müzakirələrə səbəb olub.
Xallarını 57-yə yüksəldən “Fənərbaxça” çempionatın lideridir. 27 xalı olan “Başakşehir” isə 11-ci pillədə qərarlaşıb.
“Başakşehir” – “Fənərbaxça” 0:1
Qol: Mişi Batşuayi, 90+4 (pen)