"Mançester Siti"nin yarımmüdafiəçisi İlkay Gündoğan karyerasını MLS-də davam etdirə bilər.
Sportinfo.az xəbər verir ki, yarımmüdafiəçinin "Siti" ilə müqaviləsi 2023-cü ilin yayında başa çatır və futbolçu keçən ay müqaviləni uzatmaq istədiyini bildirsə də, klubla danışıqlar aparılmayıb.
Amma Gündoğan "Siti"dən ayrılacağı təqdirdə Türkiyə Superliqa klublarından birinə də keçə bilər. O, bu variantı istisna etməyib:
“Türkiyə kökənliyəm, ona görə də bu variant mənim üçün maraqlıdır”.
İlkay "Mançester Siti"yə 2016-cı il iyulunda Dortmund Borussiyasından keçib. “Transfermarkt”a görə onun hazırkı dəyəri 35 milyon avrodur.