Ukraynanın yunan-Roma güləş millisinin aparıcı üzvü Pərviz Nəsibovun ailə üzvləri Azərbaycana pənah gətirib.
Bu barədə Sportinfo.az-a Tokio Olimpiadasının gümüş medalçısının özü məlumat verib.
Onun sözlərinə görə, valideynləri və qardaşı ilə bacısı hazırda dogma vətəndədir:
“Ukraynada müharibə getdikcə daha da şiddətlənir. Burada qalmaq onlar üçün təhlükəlidir. Təqribən dörd ay əvvəl Nikolayev şəhərindən Kiyevə köçmüşdük.
Paytaxtda yeni həyata başlamışdıq ki, müharibə başladı və bütün planlarımız pozuldu.
Ailəmiz indi Qazaxda yerləşib. Müharibə bitənə, təhlükə sovuşana kimi orada qalacaqlar”.